Хууль зүй, дотоод хэргийн сайдын шийдвэрийн дагуу Улсын бүртгэлийн ерөнхий газраас Өвөрхангай аймгийн Улсын бүртгэлийн хэлтэст Hyundai Staria загварын хагас ачааны автомашиныг хүлээлгэн өглөө.
Энэхүү автомашин нь төрийн үйлчилгээг түргэн шуурхай хүргэх, сонгуулийн үед иргэдийн сонгох эрхийг хангах, алслагдсан бүс нутагт амьдарч буй иргэдэд төрийн бүртгэлийн үйлчилгээг ойртуулах, хүртээмжийг нэмэгдүүлэхэд чухал ач холбогдолтой хөрөнгө оруулалт болж байна.
Автомашиныг Улсын бүртгэлийн ерөнхий газрын даргын албан үүргийг түр орлон гүйцэтгэгч У.Болдхүү, Хууль зүй, дотоод хэргийн сайдын зөвлөх Л.Батмөнх нар Өвөрхангай аймгийн Улсын бүртгэлийн хэлтсийн дарга Б.Цэдмаад албан ёсоор хүлээлгэн өглөө.
Цаашид тус автомашиныг бүрэн хэмжээнд ашигласнаар төрийн бүртгэлийн үйлчилгээний чанар, хүртээмжийг сайжруулж, иргэдэд илүү ойр, шуурхай үйлчлэх нөхцөлийг бүрдүүлэх юм.
.jpg)
