ИРЭХ ОНД УЛСЫН БҮРТГЭЛ, АРХИВЫН ЦОГЦОЛБОР БАРИЛГА БАРИХААР ШИЙДВЭРЛЭЛЭЭ

A- A A+
ИРЭХ ОНД УЛСЫН БҮРТГЭЛ, АРХИВЫН ЦОГЦОЛБОР БАРИЛГА БАРИХААР ШИЙДВЭРЛЭЛЭЭ
Хууль зүй, дотоод хэргийн сайд Х.Нямбаатараар ахлуулсан ажлын хэсэг Өвөрхангайд ажиллаж байна. Тэрбээр аймгийн хууль хяналт, улсын бүртгэл, архивын байгууллагын үйл ажиллагаатай танилцаж, тулгамдсан олон асуудлыг шийдвэрлэж өгөхөөр боллоо.
Тухайлбал, улсын бүртгэл, архивын цогцолбор барилгыг ирэх онд шинээр барьж өгнө хэмээн амласан нь сайхан мэдээ байв. Төрийн үйлчилгээ авч байгаа иргэдийн 70 гаруй хувь нь улсын бүртгэл, архиваас мэдээлэл, лавлагаа авдаг. Гэтэл тус байгууллагуудын барилга мөөгөнцөртөж, стандарт шаардлага хангахгүйд хүрсэн, архивын лавлагаа, материал хадгалах өрөө хүрэлцэхээ байсан зэрэг нь алба хаагчид төдийгүй иргэдэд хүндрэл үүсгэж байсан юм.
Мөн аймгийн Цагдаагийн газрын эрүүлжүүлэн, саатуулах байрыг шинэчлэх, Уянга суманд цагдаагийн кабон байр барьж өгөх, ШШГА, ШША, Цагдаагийн газарт авто машин, компьютер техник хэрэгсэл нийлүүлэх, залуу алба хаагчдад гэр олгох асуудлыг газар дээр нь шийдвэрлэлээ.