"Тогтвортой амьжиргаа-3" төслөөс "Орон нутгийн хөгжлийн сан"-ийн хэрэгжилтэд 2016 оноос хойш Жилийн гүйцэтгэлийн үнэлгээ хийж шалгуур хангасан сумдад урамшуулал олгож ирсэн. Энэ жилийн хувьд Өвөрхангай аймгийн 19 сум урамшуулал авах болзлыг хангаж, нийт 902999.44 мянган төгрөгийн урамшуулал авахаар боллоо.
Арвайхээр, Хайрхандулаан, Богд, Гучин-ус сумд улсын хэмжээнд эхний 4 байранд орсон бол, Бат-өлзий сум 7-р байр, Тарагт сум 8-р байр, Зүүнбаян-улаан сум 10-р байр, Баруунбаян-улаан 14 байр, Баян-өндөр 15-р байр, Төгрөг 17-р байр, Баянгол 18-р байранд тус тус орсон байна.
Сумынхаа хөгжлийг оновчтой төлөвлөж, олон нийтийн оролцоог хангаж, хэрэгжилтийг сайтар зохион байгуулж ажилласан баг, хамт олон, үнэтэй саналаа ирүүлж идэвхтэй оролцдог Арвайхээрчүүддээ талархал илэрхийлж, амжилтаа дахин бататгахыг хүсэн ерөөе.
