ГАМШГИЙН ҮЕД АЖИЛЛАХ БЭЛТГЭЛ, БЭЛЭН БАЙДЛЫГ САЙЖРУУЛНА ...
Аймгийн Засаг дарга, Монгол Улсын Шадар сайдын хамтран ажиллах гэрээний хүрээнд Гамшгаас хамгаалах Команд штабын сургуулийг ОБЕГ-аас Өвөрхангай аймагт зохион байгуулж байна.
Манай аймгийн хувьд газар хөдлөлтийн идэвхитэй бүсэд оршдог, тарваган тахал болон хүн, малын халдварт өвчний байгалийн голомттой, хүчтэй цасан болон шороон шуурга, үер усны давтамж ихтэй онцлог бүс нутаг юм.
Үүний зэрэгцээ хүн амын тоо олон, хөл хөдөлгөөн ихтэй учраас хүний буруутай үйл ажиллагаанаас үүдэлтэй аюул, ослын тоо ихсэх хандлагатай байна.
Иймд болзошгүй гамшгийн үед ажиллах бэлэн байдлыг хангах, хариу арга хэмжээ авах чадвар эзэмшүүлэх, өөрсдийн нөөц боломжинд үнэлэлт дүгнэлт өгөх зорилгоор тус сургалтыг хийж байна.
