Өвөрхангай аймгийн улсын бүртгэлийн хэлтэс

Монгол Улсын газар зүйн хүйс-төв цэг нь тус аймгийн Бүрд сумын Онгон хэмээх уулын өвөрт байдаг. Нутгийн хойд хэсэгт хангайн нурууны салбар уулс, төв хэсгээр нь хөндийн тал, өмнө хэсгээр нь Алтай нурууны салбар уулс, элсэрхэг тал хээрийн нутагтай.

Тус аймгийн нутаг газар зүйн 3 бүсийг хамрах тул байгалийн үлэмж баялагтай. Хангайн нурууны Хятруун, Битүүт, Монгол Алтайн нурууны Багабогд, Мянган ямаат зэрэг далайн түвшнээс дээш 2000-3590 м өндөрт өргөгдсөн сүрлэг уул, нурууд оршдог. Мөн 24 метрийн өндрөөс буух Орхон голын "Улаан цутгалан", далайн түвшнээс дээш 2500 метрийн өндөрт орших байгалийн өвөрмөц тогтоц бүхий үзэсгэлэнт Хүйсийн найман нуур болон "Тамчийн ёл хад" зэрэг сонин сайхнаараа гайхагдсан газар тус аймагт олон байдаг. Арвайхээр, Шагж, Долоодой, Хонгор, Гучингийн тал болон Орхоны хөндий зэрэг тэгш уудам талууд бий.

Дэлгэрэнгүй

Аймгийн түүх болон дурсгалт газар

Өвөрхангай аймгийг БНМАУ-ын Бага Хурлын Тэргүүлэгчдийн 1931 оны 02 дугаар сарын 07-ны өдрийн 05 тогтоолоор тухайн үеийн Цэцэрлэг мандал уулын аймгийн гол хошуудаас, одоогийн Өвөрхангай, Баянхонгор аймгийн нутаг дэвсгэрийг хамарсан 31 сумтай Түйн голын Цагаан эрэгт төвлөрүүлж нэг том аймаг болон анх байгуулагдсан түүхтэй.

Дэлгэрэнгүй

АЙМГИЙН ГАЗРЫН ЗУРАГ

Түүх, соёлын өлгий нутаг Өвөрхангай аймагт амрагч, жуулчдын сонирхлыг татах үзэсгэлэнт байгаль, дурсгалт газрууд олон бий. Тиймээс аялал жуулчлалыг бүсчлэн хөгжүүлэх бодлого баримталж байгаа ба газар нутгийн онцлог, дэд бүтцийн харьцангуй давуу байдалдаа түшиглэн эдийн засгийнхаа чадамжийг дээшлүүлэхэд аялал жуулчлалын салбарыг аймгийн эдийн засгийн тэргүүлэх чиглэл болгон хөгжүүлэхээр ажиллаж байгаа юм.

Дэлгэрэнгүй

ФОТО ЗУРГИЙН ЦОМОГ

Түүх, соёлын өлгий нутаг Өвөрхангай аймагт Хубилайн цэргийн хот “Хөгшин тээлийн балгас” гэдэг эртний хотын туурь тус аймгийн Хайрхандулаан сумын нутаг Хөгишин тээл гэдэг газар бий

Дэлгэрэнгүй